Home ព័ត៌មានជាតិ

ព័ត៌មានជាតិ

រាជធានីភ្នំពេញ៖ ទីតាំងល្បែងស៊ីសងមួយកន្លែងជ្រកក្រោមស្លាកអ៊ីនធឺណេត២៤ម៉ោង កំពុងតែពង្វក់ក្រុមយុវវ័យអោយញៀនល្បែងភ្លេចការសិក្សារ ដោយគេសង្កេតឃើញក្មេងៗជាច្រើនតែងតែប្រមូលផ្តុំគ្នាចូលលេងជាពិសេសនៅពេលយប់ ព្រោះតែការមានប្រម៉ូសិនផ្តល់ជាអាហារ ភេសជ្ជះ និងទឹកប្រាក់ ដើម្បីទាក់ទាញក្រុមអ្នកញៀនល្បែង ជាពិសេសគឺក្មេងៗ ។ សូមបញ្ជាក់ថាទីតាំងខាងលើស្ថិតនៅតាមបណ្តោយផ្លូវ១៨២ ទេពផន ជាប់ហាងលក់កាបូប ស្ថិតក្នុងសង្កាត់ទឹកល្អក់ទី២ ខណ្ឌទួលគោក ។សូមបញ្ជាក់ថា កាលពីពេលថ្មីៗនេះគេសង្កេតឃើញលោក ឯក ឃុនឌឿន បានបញ្ជារអោយអភិបាលរងខណ្ឌដឹកនាំកំលាំងចុះបង្ក្រាបល្បែងស៊ីសងជាច្រើនកន្លែង បិទគ្មានសល់ ។ ដូច្នេះប្រជាពលរដ្ឋនិងរង់ចាំមើលទីតាំងខាងលើនេះ តើអាចបើកបានប៉ុន្មានទៀត បើអភិបាលប្រើកំដាប់ដៃដែកយ៉ាងដូច្នេះ ។ សូមបញ្ជាក់ថា សម្តេចក្រឡាហោម ស ខេង ធ្លាប់បានដាក់បទបញ្ជាអោយសមត្ថកិច្ចរាជធានីទាំងអស់ ត្រូវតែបង្ក្រាបល្បែងស៊ីសងក្នុងមូលដ្ឋានខ្លួនអោយអស់ ។ យើងចាំមើលថាតើលោក ឯក ឃុនឌឿន ហ៊ានបញ្ជាអោយកំលាំងលោកចុះបិទល្បែងអនឡាញនេះទេ ៕
រាជធានីភ្នំពេញ ៖ នៅលើហ្វេសប៊ុករបស់សម្តេចតេជោ នាថ្ងៃអង្គារ ទី៦សីហានេះ បានសរសេររៀបរាប់រំលឹកអនុស្សាវ​រីយ៍ ភ្ជាប់ជាមួយរូបថតចំនួន២សន្លឹកកាលពី៤៨ឆ្នាំមុន និងបច្ចុប្បន្ន ។ ពាក្យពេចន៍ជាច្រើនឃ្លាបានបញ្ជាក់អត្ថន័យពីទឹកចិត្តដ៏ជ្រាលជ្រៅពុំអាចកាត់ថ្លៃបាននោះគឺ ទោះសភាពការណ៍មានការប្រែប្រួល ទាំងនយោ​បាយសេដ្ឋកិច្ច សង្គម ទាំងឋានៈ តួនាទី ទាំងវ័យ ទាំងរូបកាយ។ល។ តែចំណងមិត្តភាព និងភាពជា​បងប្អូនរវាងគាត់និងខ្ញុំមិនបានផ្លាស់ប្តូរទេ ។ សម្តេចបានសរសេរនៅលើហ្វេសប៊ុកយ៉ាងដូច្នេះថា រូបថតមួយសន្លឹក ថតកាលពី៤៨ឆ្នាំមុន គឺឆ្នាំ១៩៧១ដែលពេលនោះ ខ្ញុំមានអាយុ១៩ឆ្នាំ បង សុក សារឿន អាយុ២៩ឆ្នាំ។ ឯរូបថតមួយសន្លឹកទៀត ថតថ្ងៃ ៥សីហាឆ្នាំ២០១៩ ជាពេលដែលខ្ញុំឆ្លងពីអាយុ៦៧ឆ្នាំ មកអាយុ៦៨ឆ្នាំ ឯបងសុក សារឿន មានវ័យ៧៨ឆ្នាំ ។ ទោះសភាពការណ៍មានការប្រែប្រួល ទាំងនយោបាយសេដ្ឋកិច្ច សង្គម ទាំងឋានៈ តួនាទី ទាំងវ័យ ទាំងរូបកាយ។ល។តែចំណងមិត្តភាព និងភាពជាបងប្អូនរវាងគាត់និងខ្ញុំមិនបានផ្លាស់ប្តូរទេ។៤៨ឆ្នាំមុនគាត់ជាមេបញ្ជាការ របស់ខ្ញុំ តែ៤០ឆ្នាំចុងក្រោយនេះគាត់មាន ឋានៈទាបជាងខ្ញុំវិញម្តង។ មិត្តភាពនិងភាពជាបងប្អូនមិនសំដៅទៅលើបុណ្យសក្ត័...
រាជធានីភ្នំពេញ៖ បន្ទាប់ពីបិទទ្វារបានមួយរយៈពេលខ្លីឥឡូវនេះគេសង្កេតឃើញហាងអ៊ីនធឺណេត២៤ម៉ោងបង្កប់ល្បែងស៊ីសងភ្នាល់តាមអនឡាញ នៅផ្សារឌុយម៉ិច(ផ្លូវលេខ១០៩) បានបើកទ្វាស្វាគមន៍ក្រុមអ្នកញៀនល្បែងទៀតហើយ ដែលធ្វើអោយមតិជាច្រើនគិតថា ប្រហែលជាបានគិតគួររឺនិយាយត្រូវរ៉ូវគ្នាជាមួយអជ្ញាធរមូលដ្ឋានហើយមើលទៅ ។គួររំលឹកផងដែរថា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាឲ្យអាជ្ញាធររាជធានីភ្នំពេញ បង្ក្រាបល្បែងស៊ីសងគ្រប់ប្រភេទ ដែលកើតមាន នៅក្នុងរាជធានីភ្នំពេញផងដែរ ។ ដែលការបញ្ជានេះ បានធ្វើឡើងនៅចំពោះមុខអភិបាលរាជធានីភ្នំពេញ ស្នងការនគរ បាលរាជធានីភ្នំពេញ និងមេបញ្ជាការកងរាជអាវុធហត្ថរាជធានីភ្នំពេញ រួមទាំងមន្ត្រីដែលពាក់ព័ន្ធ ក្នុងពិធីប្រកាសចូលកាន់តំណែងក្រុមប្រឹក្សារាជធានីភ្នំពេញ អាណត្តិទី៣ នាព្រឹកថ្ងៃទី១២ ខែមិថុនា ឆ្នាំ២០១៩ នៅសាលារាជធានីភ្នំពេញ។ យោងតាមបទបញ្ជាដែលដាក់ចេញដោយ សម្តេចក្រឡាហោម ប្រជាពលរដ្ឋនឹងរង់ចាំមើល លោក លឹម សុភា អភិបាលខណ្ឌ និងលោក នេត ស៊ីថុន អធិការខណ្ឌ ហ៊ានប្រើកំដាប់ដៃដែកបង្ក្រាបទីតាំងល្បែងស៊ីសងអនឡាញខុសច្បាប់តាមបណ្តោយផ្លូវ១០៩ ឌុយម៉ិច នេះទេ រឺបណ្តោយទុកអោយបើកលេងយ៉ាងអណាធិបតេយ្យផ្ទុយពីបទបញ្ជាថ្នាក់លើ ៕
រាជធានីភ្នំពេញ៖ អង្គភាពប្រឆាំងអំពើពុករលួយ (ACU) បានចាប់ខ្លួនប្រធាន អនុប្រធាន និងមន្ត្រីមន្ទីរសុរិយោដីខេត្តពោធិ៍សាត់ ពាក់ព័ន្ធការឃុបឃិតគ្នាប្រព្រឹត្តអំពើពុករលួយទារលុយពីប្រជាពលរដ្ឋ ១០ម៉ឺនដុល្លារជាថ្នូរចេញច្បាប់សាងសង់។ ការចាប់ខ្លួនមន្ត្រីទាំងនេះ បានធ្វើឡើងក្នុងភោជនីយដ្ឋានមួយកន្លែងនៅក្រុងពោធិ៍សាត់ និងនៅមន្ទីររៀបចំដែនដី នគរូបនីយកម្ម និងសំណង់ កាលពីព្រឹកថ្ងៃទី២៧ ខែកក្កដា ឆ្នាំ២០១៩។ ការចុះចាប់ខ្លួនមន្ត្រីសុរិយោដីខេត្តពោធិសាត់ទាំងបីនាក់នេះ គឺដឹកនាំផ្ទាល់ដោយលោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ។ សេចក្តីរាយការណ៍បានឲ្យដឹងថា ការចាប់ខ្លួនប្រធានមន្ទីរ និងអនុប្រធាន បានធ្វើឡើងនៅភោជនីយដ្ឋានមហាលាប នៅក្នុងក្រុងពោធិ៍សាត់ ខណៈពេលដែលអ្នកទាំងពីរ និងម្ចាស់ដីជួបគ្នាដើម្បីប្រគល់លុយ។ ហើយមន្ត្រីម្នាក់ទៀត ចាប់ខ្លួននៅក្នុងមន្ទីររៀបចំដែនដី នគរូបនីយកម្ម និងសំណង់ខេត្តពោធិសាត់។ លោកទេសរដ្ឋមន្ត្រី ឱម យ៉ិនទៀង ប្រធានអង្គភាពប្រឆាំងអំពើពុករលួយ បានមានប្រសាសន៍ថា ប្រធាន អនុប្រធាន និងមន្ត្រីមន្ទីរសុរិយោដីខេត្តពោធិ៍សាត់ ដែលចាប់ខ្លួន មានដូចជាៈ ១. លោក លៀម ប៊ុនរឿម ប្រធានមន្ទីររៀបចំដែនដី នគរូបនីយកម្ម និងសំណង់ ខេត្តពោធិ៍សាត់ ២. លោក...
រាជធានីភ្នំពេញ៖ តាមប្រភពច្បាស់ការមួយបានបង្ហើបអោយដឹងថា មានទីតាំងជល់មាន់មួយកន្លែងនៅតាមបណ្តោយផ្លូវលូប្រឡាយទឹកស្អុយ ស្ថិតក្នុងភូមិភ្នៀត សង្កាត់ស្ទឹងមានជ័យ២ ខណ្ឌមានជ័យ ហើយដែលទីតាំងខាងលើនេះមានមន្ត្រីប៉ូលីសខណ្ឌមានជ័យម្នាក់ឈ្មោះ ឆើត ជាអ្នកនៅពីក្រោយខ្នង ។សូមបញ្ជាក់ថា ក្នុងសង្កាត់ស្ទឹងមានជ័យ២នេះ មានទីតាំងជល់មាន់មិនក្រោម៣កន្លែងទេ រួមទាំងមានបើកភ្នាល់ជល់តាមអនឡាញផងដែរ ។ គួររំលឹកថា កាលពីព្រឹកថ្ងៃទី ១២ ខែមិថុនា ឆ្នាំ២០១៩ សម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី ក្រសួង មហាផ្ទៃ បានបញ្ជាឲ្យ អាជ្ញាធររាជធានីភ្នំពេញ បង្ក្រាបល្បែងគ្រប់ប្រភេទ ដែលកើតមាន នៅក្នុងរាជធានីភ្នំពេញ។ ការបញ្ជានេះ បាន ធ្វើ ឡើងនៅចំពោះមុខអភិបាលរាជធានីភ្នំពេញ ស្នងការនគរ បាលរាជធានីភ្នំពេញ និងមេបញ្ជាការកងរាជអាវុធហត្ថរាជធានីភ្នំពេញ រួមទាំងមន្ត្រីដែលពាក់ព័ន្ធ ក្នុងពិធី ប្រកាសចូលកាន់តំណែងក្រុមប្រឹក្សារាជធានីភ្នំពេញ អាណត្តិទី៣នៅសាលារាជធានីភ្នំពេញ។ ពាក់ព័ន្ធនឹងករណីនេះអង្គភាពសារព័ត៌មានយើងមិនអាចសុំការបំភ្លឺពីលោក ណេង សាមឿន នាយប៉ុស្តិ៍ស្ទឹងមានជ័យ២បានឡើយ ៕
រាជធានីភ្នំពេញ៖ អជ្ញាធរខណ្ឌទួលគោកហាក់បណ្តែតបណ្តោយអោយល្បែងស៊ីសងប្រភេទកន្ទុយលេខ ឆ្នោតយួនបើកកត់យ៉ាងច្រើនជុំវិញផ្សារសាមគ្គី គ្មានវិធានការបង្ក្រាបសោះ ដែលទង្វើនេះផ្ទុយនិងបទបញ្ជារបស់ចៅហ្វាយក្រុង ។គួររំលឹងផងដែរថា កាលពីព្រឹកថ្ងៃទី ១៨ ខែឧសភា ឆ្នាំ២០១៩ លោក ឃួង ស្រេង អភិបាលរាជធានី បានចេញបទបញ្ជាអោយមន្ត្រីក្រោមឪវ៉ាទចុះបង្ក្រាបរាល់ល្បែងស៊ីសងទាំងអស់ដែលបើកលេងយ៉ាងអាណាធិបតេយ្យ ។ ដោយបានដាក់ផែនការនេះ ឲ្យស្នងការរាជធានីភ្នំពេញ ចុះធ្វើការស្រាវជ្រាវ ហើយឈានទៅដល់ការបង្ក្រាបតែម្ដង ពីព្រោះវាដូចជាគគ្រិកគគ្រេងពេក ។ ដោយឡែកសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ កាលពីព្រឹកថ្ងៃទី ១២ ខែមិថុនា ឆ្នាំ២០១៩ ក៏បានបញ្ជាឲ្យ អាជ្ញាធររាជធានីភ្នំពេញ បង្ក្រាបល្បែងស៊ីសងគ្រប់ប្រភេទ ដែលកើតមាន នៅក្នុងរាជធានីភ្នំពេញ។ ការបញ្ជានេះ បាន ធ្វើ ឡើងនៅចំពោះមុខអភិបាលរាជធានីភ្នំពេញ ស្នងការនគរ បាលរាជធានីភ្នំពេញ និងមេបញ្ជាការកងរាជអាវុធហត្ថរាជធានីភ្នំពេញ រួមទាំងមន្ត្រីដែលពាក់ព័ន្ធ ក្នុងពិធី ប្រកាសចូលកាន់តំណែងក្រុមប្រឹក្សារាជធានីភ្នំពេញ អាណត្តិទី៣ នៅសាលារាជធានីភ្នំពេញ ៕
រាជធានីភ្នំពេញ៖ បន្ទាប់ពីមានការបែកធ្លាយអំពើពុករលួយយកលុយសិស្សម្នាក់១ម៉ឺនរៀល ក្នុងពេលប្រឡងឆមាសលើកទី២ ក្នុងវិទ្យាល័យ សម្តេចអគ្គមហាសេនាបតី តេជោ ហ៊ុន សែន ពេលនេះលោក នាយកវិទ្យាល័យផ្ទាល់ គឺលោក រ៉េត រ៉ាន់ បានឆ្លើយតបតាមរយៈទូរស័ព្ទថា ការយកលុយនេះគឺខាងក្រសួងនិងមន្ទីរ អប់រំជាអ្នកបើកភ្លើងខៀវ ហើយការធ្វើរបៀបនេះគឺដើម្បពង្រឹងគុណភាពសិក្សា មិនអោយសិស្សលួចចម្លង ជាពិសេសគឺយកលុយទុកសំរាប់ទិញអាហារសំរន់អោយលោកគ្រូអ្នកគ្រូពេលដែលពួកគាត់កែវិញ្ញាសារ ។ខាងក្រោមនេះជាសំលេងដើមទាំងស្រុងដែលលោកនាយកឆ្លងឆ្លើយតាមរយៈទូរស័ព្ទ ពាក់ពន្ធ័ករណីយកលុយនេះ ៖ https://youtu.be/Wnv_eV7g-xg
រាជធានីភ្នំពេញ ៖ អាណាព្យាបាលជាច្រើនបានលើកឡើងថា នាយកសាលាវិទ្យាល័យសម្តេចអគ្គមហាសេនាបតីតេជោហ៊ុន សែន សំរោងជើងស្ថិតក្នុងសង្កាត់សំរោង ខណ្ឌព្រែកព្នៅ ឈ្មោះរ៉េត រ៉ាន់ បានយកលុយពីសិស្សម្នាក់១០០០០រៀលដើម្បីយកទៅអូសក្រដាស់ប្រឡងឆមាសទី២ថ្នាក់ទី៩ រយៈពេល៣ថ្ងៃចាប់ពីថ្ងៃទី៩ ដល់ថ្ងៃទី១១ ខែកក្កដា ឆ្នាំ២០១៩នេះ។ការប្រមូលលុយដូច្នេះ អាណាព្យាបាលសិស្សមួយចំនួនបានសម្ដែងការងឿងឆ្ងល់ចំពោះនាយកសាលាឈ្មោះរ៉ាត រ៉ាន់ ដែលបង្គាប់ឲ្យសិស្សកំពុងសិក្សាថ្នាក់ទី៩ ប្រមូលលុយម្នាក់១០០០០រៀល (១.០០០០៛) ទៅឲ្យនាយកសាលានោះថាហាក់មានភាពមិនប្រក្រតី។ ដោយគាត់សួរទៅកូន ពួកគេបានប្រាប់ថា លុយនេះសម្រាប់ចំណាយការអូសក្រដាស់ប្រឡងឆមាសទី២ថ្នាក់ទី៩ ឲ្យធំៗស្រួលមើល តែជាក់ស្តែងពេលប្រឡងកូនៗរបស់ពួកគាត់ប្រាប់ថាក្រដាសប្រឡងនៅតូចៗដូចមុនដដែល មិនតែប៉ុណ្ណោះនៅពេលប្រឡងមុខវិជ្ជាភាសាខ្មែរសសេរតាមអាន តម្រូវឲ្យសិស្សហែកសៀវភៅខ្លួនឯងសសេរថែមទៀត។ អាណាព្យាបាលសិស្សសុំមិនបញ្ចេញឈ្មោះម្នាក់ រស់នៅភូមិសំរោងកណ្តាល សង្កាត់សំរោង ខណ្ឌព្រែកព្នៅ មានប្រសាសន៍ថាខ្លួនជាប្រជាពលរដ្ឋក្រីក្រ រកព្រឹកខ្វះល្ងាច យ៉ាងណាក៍ត្រូវបេះពីមាត់បេះពីកដើម្បីយកលុយ១០០០០រៀល អោយកូនយកលុយទៅបង់ឲ្យនាយកសាលានេះដែរខ្លាចកូនអត់បានក្រដាស់ប្រឡងនិងគេ។ រីឯអាណាព្យាបាលសិស្សម្នាក់ទៀត រស់នៅភូមិសំរោងជើង សង្កាត់សំរោង បានថ្លែងស្រដៀងគ្នានេះដែរថា នាយកសាលាបានតម្រូវឲ្យសិស្សថ្នាក់ទី៩ បង់លុយម្នាក់១០០០០រៀលដើម្បីយកទៅអូសក្រដាស់ប្រឡងឆមាសទី២ថ្នាក់ទី៩ ក្នុងឆ្នាំ២០១៨ និងឆ្នាំ២០១៩នេះ បើមិនបង់ទេអាចមិនមានក្រដាស់ដូចគេនោះឡើយ ឮដូចនេះពួកគាត់បានស្រវេស្រវ៉ាយកប្រាក់១០០០០រៀលឲ្យកូនទៅបង់ទៅ។ ឪពុកម្ដាយ អាណាព្យាបាលរបស់សិស្ស បន្ថែមថា នាយកសាលាបានប្រព្រឹត្តអំពើពុករលួយយកលុយពីសិស្សដុះស្លែយូរមកហើយ ដែលក្នុងមួយឆ្នាំៗមានកម្មវិធីជាច្រើនដែលតម្រូវអោយសិស្សបង់លុយ។ រហូតដល់សិស្សខ្លះបានសម្រេចចិត្តបញ្ចប់ការសិក្សារបស់ខ្លួនត្រឹមតែថ្នាក់ទី៩ ក៏មានជាហូរហែដែរ។...
រាជធានីភ្នំពេញ៖ក្រសួងសុខាភិបាល ចេញសេចក្តីជូនព័ត៌មានមួយ នៅថ្ងៃទៅ១០ ខែកក្កដា នេះ ដោយរកឃើញថា ជំងឺគ្រុនឈាមនៅប្រទេសកម្ពុជា បានចាប់ផ្តើមកើនឡើងពីដើមខែឧសភា រហូតដល់បច្ចុប្បន្ន ដោយរាយប៉ាយដុំៗតាមភូមិសាស្ត្រនៃរាជធានី ខេត្តនីមួយៗ ដែលមានចំនួនករណីសរុប១៥.០០០នាក់ និង ស្លាប់ចំនួន២៥នាក់ គិតមកដល់ដើមខែកក្កដា ឆ្នាំ២០១៩ នេះ ។ជាមួយគ្នានេះ ក្រសួងសុខាភិបាល សូមអំពាវនាវសាជាថ្មីដល់បងប្អូនប្រជាពលរដ្ឋទាំងអស់ និង អាជ្ញាធរគ្រប់លំដាប់ថ្នាក់ សូមចូលរួមយ៉ាងសកម្ម អនុវត្តវិធានការការពារជំងឺគ្រុនឈាមតាមរយៈការអនុវត្តវិធានការចំនួន៤ចំណុច (លម្អិតក្នុងសេចក្តីជូនព័ត៌មាន) ៕
រាធានីភ្នំពេញ៖ ក្រសួងការពារជាតិ នៅព្រឹកថ្ងៃទី០៣ ខែកក្កដា ឆ្នាំ២០១៩នេះ បានបំពាក់ឋានន្តរស័ក្តិថ្នាក់នាយកឧត្តមសេនីយ៍ (ផ្កាយ៤) និងប្រកាសចូលកាន់តំណែង ជារដ្ឋលេខាធិការក្រសួងការពារជាតិ ជូនដល់លោក យន្ត មីន អតីតអភិបាលខេត្តព្រះសីហនុ ក្រោមអធិបតីភាពសម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ។នៅក្នុងពិធីរៀបចំឡើងក្នុងកិច្ចប្រជុំ បូកសរុបលទ្ធផលការងារប្រចាំឆមាសទី១ និងលើកទិសដៅបន្តអនុវត្តន៍ការងារ សម្រាប់ឆមាសទី២ ឆ្នាំ២០១៩នេះ សម្តេចពិជ័យសេនា ទៀ បាញ់   ក៏បានបំពាក់ឋានន្តរស័ក្តិ ថ្នាក់នាយកឧត្តមសេនីយ៍ (ផ្កាយ៤) និងប្រកាសចូលកាន់តំណែង ជូននាយឧត្តមសេនីយ៍ ហ៊ុយ ពិសិដ្ឋ ជារដ្ឋលេខាធិការក្រសួងការពារជាតិផងដែរ។ គួររំលឹកថា នាយឧត្តមសេនីយ៍ ហ៊ុយ ពិសិដ្ឋ នាយករងខុទ្ទកាល័យសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាអនុរដ្ឋលេខាធិការក្រសួងការពារជាតិ ត្រូវបានព្រះមហាក្សត្រ ត្រាស់បង្គាប់តែងតាំងជា រដ្ឋលេខាធិការក្រសួងការពារជាតិ កាលពីដើមខែឧសភា ឆ្នាំ២០១៩កន្លងទៅនេះ។ ជាមួយគ្នានេះ កាលពីថ្ងៃទី២៧ ខែមិថុនា...